ADFA Second Division; Ramhlun North tan beiseina tlem

Aizawl DFA buatsaih Second Divsion inelnaah Ramhlun North FC chuan quarterfinal luh beiseina nei turin nimin khan Zemabawk North an chelh a, 2-2 in an inhnehtawk. Second Division-ah hian team 16 an awm a, group paliah ṭhen niin a sang pahnih ṭheuhin quarterfinal an lut ang.

Second Division group B-ah Zemabawk North-in point li an hmu tawh a, Armed Veng leh Armed Veng South ten point thum ve ve an hmu a, Ramhlun North-in point khat chiah an hmu thung. Group match hnuhnung berah Armed Vengin Zemabawk North an hmachhawn dawn a, Ramhlun North leh Armed Veng South an inkhel ang.