Greece-in goal nga an khung!

Euro 2024 qualifier-ah France leh Netherlands te nen inel mah se Greece-in tha thlah an tum bik lo tih an pholang a, an mikhual Gibraltar chu 5-0 ngawta sawpin beiseina an insiam ve zel - group B-ah Netherlands nen point kua ve ve an nei a, match khatin an khel tam thung.

Greece tan Dimitris Pelkas chuan goal hmahruai khungin, Konstantinos Mavropanos leh Georgios Masouras ten goal hnih ve ve an khung bawk a, mikhual team Gibraltar lam hian a chhanletna tur an neih loh avangin 5-0 in Greece an chak.

Group B-ah hian France chuan point 15 neiin hma an hruai a, Netherlands aiin match khatin an khel tam thung. Mahse, France hian Netherlands leh Greece chu khualmualah an la lenchilh ve ve dawn a, an him tawh, tiin a sawi theih bik loh.