India U23 an zawr

AFC Under-23 Asian Cup 2023-ah India an inlan dawn lo - nimin khan goal tam tak khung mamawh India-in goal an khung lo a, an lamah goal thum a lut thung! Blue Tigers hian UAE chu 3-0 in an ngam lo a, qualifier match hnihah an chak loh avangin Asian Cup beiseina chu an mangṭha.

UAE tan Alblooshi, Sultan Adil leh Khalfan ten goal khat ṭheuh an khung a, India-in a chhanletna tur an neih loh avangin an tla. Blue Tigers squad-ah Mohun Bagan midfielder Lalrinliana Hnamte (Terina) leh Ayush Chhetri (FC Goa) awm mah se, Mizoram player pahnih hi luhtir an ni lo.

India hi an vanduai ve bawk - match hmasa berah team nem ber Maldives hmachhawn tur an ni a, Maldives hi hmachhawn se, point thum nena bul ṭan a beiseiawm. Mahse, Maldives an inhnukdawk a, qualifier thlengtu China nen an inhmachhawn.

China nen hian an inhnehtawk mai dawna ngaih a nih laiin, injury time-ah goal an chhuah belh a, 2-1 in an tlawm. Match hnihnaah team ṭha tho UAE an hmachhawn zui a, Blue Tigers tan a harsa tawh.