Lyon coach Blanc an ban

Ligue 1 club Lyon chuan an coach Laurent Blanc an ban. France rama football inelna sang berah hian a mawngphah luahtu an ni mek a, insiamṭhat an tum.

Lyon hian an match hnuhnung berah Paris Saint Germain chu 4-1 in an ngam lo, hei inkhel hi Blanc hoa an match hnuhnung ber a ni ta a ni, technical director Jean-Francois Vulliez chuan team enkawl hna a thawk lailawk ang.

Kum 57 mi Blanc kaihhruaina hnuaiah Lyon an che ṭha lo takzet, tun season league match vawi li an khelh tawhah point khat chiah an la hmu, team 20 inelna zingah goal difference (-7) nei chhe ber an ni bawk.

Blanc thlaktu tur hi sawi chian a la ni lo. Brighton leh Chelsea manager hlui Graham Potter bakah Gennaro Gattuso te hming lamrik a ni.

Lyon hian Pathianni zanah Ligue 1 khel turin Le Havre an mikhual ang.