First Division hmahruaitu Dinthar FC

Aizawl DFA First Division chu niminah khelh chhunzawm a ni a, Dinthar FC chuan Aizawl FC Academy 2-0 a hnehin point thum hlu tak an hlawh chhuak. Mizo club hlun ber zinga mi Dinthar hian match hnih an khelh aṭangin point li an hmu a, goal difference an neih ṭhat zarah league hmahruaitu an ni.

Nimin inkhel dangah Mission Veng FC-in 1st Bn MAP Academy 2-1 in an hneh bawk. Mission Veng hi 1-0 in hnufual hman mah se player tawnhriat nei ṭha Muanzova leh Ramfangzauva te hmangin an chhanglet.

First Division-ah hian Dinthar FC, Kanan FC, Mission Veng FC leh BVT FC ten point li an hmu tawh. Nimin inkhel hnuhnung berah FC Bethlehem leh Sihphir Venghlun an inkhel a, Bethlehemin 2-1 hma na hruai laiin buaina tenau a chhuah avangin an khel zo thei ta lo. He thu buatsaih lai hian ADFA-in thutlukna an la siam lo. Inelna hi September 15, Zirtawpniah khelh chhunzawm a ni ang.