India-in final an lut, vawiinah semifinal?

Asia Cup-ah India chuan September 12, Thawhlehni khan inelna thlengtu Sri Lanka chu 41 runs-in an hneh. Men in Blue hian Pakistan an hneh tawh bawk avangin Bangladesh la hmachhawn dawn mah se final an lut.

Vawiin tlai dar 3:00 hian Pakistan leh Sri Lanka an inkhel dawn a, Super 4 inkhel ni mah se heta chak zawk hian final an luh dawn avangin semifinal-a chhiar theih a ni.

R. Premadasa Stadium, Colombo-a inkhelah captain Rohit Sharma-a'n 53 runs a siam a, Pakistan an khelh zawh tuka khel lehnghal an ni bawk nen batter dang an che ṭha tawk lo. India hi over 49.1-ah an thi fai vek a, 213 runs chauh an siam.

Amaherawhchu Indian bowler-te an che ṭha a, Kuldeep Yadav-a'n wicket li (43/4) lain Jasprit Bumrah-a'n wicket hnih (30/2) a la bawk. Over 41.3-ah Sri Lanka-in 172 runs chauh siamin an thi fai vek.

R. Premadasa Stadium, Colombo-ah bawk hian Pakistan leh Sri Lanka te an inkhel dawn. Pakistan hi an chak a nih chuan final an lut dawn a, tun Asia Cup-a a vawi thum nan India leh Pakistan inkhel en tur a awm bawk ang.