Inter school basketball semifinal Graceland, North Point, Home Missions & St Joseph's chak

MBBA buatsaih Mizoram Rural Bank 13th Inter School Basketball Tournament 2023 semifinal chu nimin khan khelh a ni a, nimin semifinal hi middle leh high category bik niin, middle-ah Graceland leh North Point ten final an lut a, high-ah Home Missions leh St Joseph's te an chak bawk.

Hawla Indoor Stadium, Republic Vengthlangah inelna hi neih niin, middle category semifinal-ah Graceland chuan 61-41 in English Congregration an hneh a, North Point chuan 66-62 in Govt. Nursery an hneh bawk.

High category-ah Home Missions chuan 78-65 in Living Water an hneh a, St Joseph's chuan 64-58 in Mount Carmel an hneh thung.

Vawiin Higher inelnaah semifinal khelh a ni dawn a, September 21, Ninganiah final khelh a ni ang.