Inter Village Volleyball Tournament Team inlan tur 102 an tling

Mizoram Volleyball Association (MVA) buatsaih - JJS Trucking Bharatbenz Inter Village Volleyball Tournament 2023 khel tura hming pelut zat chu team 102 an ni a, inelna hi mipa leh hmeichhe tana neih a ni ang.

September 19-29 chhung hian R. Dengṭhuama Indoor Stadium, Mualpuiah khelh a ni dawn a, inelna hmachhawn tur hian mipa team 76 leh hmeichhe team 26 an tel dawn, inkhel hi LPS-ah live hmanga pek chhuah tura tih a ni.

September 18, Thawhṭan zan dar 8:00 hian Chanmari YMA Hall-ah 'Spike Off' a ni dawn, he hunah hian team aiawh bakah Pro Division player-te chu inlan tura beisei an ni bawk.