Ram tan pawh Haaland

Manchester City striker Erling Haaland-a'n international break-ah pawh goal khung a ṭhulh thei lo - Georgia lakah Norway chu 2-1 in hnehna a chanpui a, minute 25-naah goal hmahruai khungin, Arsenal captain Martin Ødegaard chuan goal khat a khung ve bawk.

Georgia tan Budu Zivzivadze chuan hun pek belhah goal khung ve mah se, awmzia a nei phak lo a, Norway an chak - Haaland-a te team hian match ngaah point sarih an nei mek a, an chungah match lia point kua neitu Spain leh match nga aṭanga point 15 nei Scotland an awm mek.

Spain hian Thawhlehni zan vek khan 6-0 in Cyprus an sawp a, Ferran Torres chuan goal hnih khungin, Álex Baena, Gavi, Mikel Merino leh Joselu te chuan goal khat ṭheuh an khung ve bawk.