Ram tan Djokovic inlan dawn

15th September, 2023

US Open nomawi a chawi zo chauh a, world number 1 Novak Djokovic chuan hahchawlh a chak ve hle ang tih pawh a chiang. Mahse, Serbian star hian an ram kohna a hnar thei lo - tun kartawp hian ram tan Davis Cup a khel chhunzawm leh nghal ang.

Kum 36 mi Djokovic hi mi tam tak chuan Davis Cup aṭanga a inhnuhdawh an ring. Inelna lian an neih zawh tak US Open lama thleng sang deuhte chu an inhnukdawk hlawm a, kum 20 mi Carlos Alcaraz pawh a inhnukdawk a ni.

Mahse, tun hma aṭanga ram a hmangaihzia lantir fo tawhtu Djokovic chuan chawlh hahdam ngawt a tum lo. Group C match hmasa lam khel hman lo mah se, tun kartawp lamah hian Spain leh Czech Republic te a hmachhawn ang.