Inter School Basketball Semifinal ; St Joseph's & Mount Carmel ten final lut

MBBA buatsaih Mizoram Rural Bank 13th Inter School Basketball Tournament 2023 semifinal chu nimin khan khelh chhunzawm a ni a, higher category inelna semifinal-ah hian St Joseph's leh Mount Carmel ten an khingpui ve ve hnehin final an lut.

Hawla Indoor Stadium, Republic Vengthlanga semifinal hmasa zawkah St Joseph's chuan 83-51 in Home Missions 'A' an hneh a, semifinal hnuhnung zawkah Mount Carmel chuan 65-56 in St Joseph's 'B' an hneh bawk - final-ah St Joseph's leh Mount Carmel an intawng dawn a, September 21, Ninganiah final hi khelh a ni ang.

Inter School Basketball inelnaah hian Nilaini khan middle leh high category semifinal khelh a lo ni tawh a, middle-ah Graceland leh North Point ten final lutin, high-ah Home Missions leh St Joseph's ten final an lo lut tawh bawk.