Jabeur a tla nghal

Hmeichhe tennis inelna WTA San Diego Open khelh laiah, seeded pakhatna Ons Jabeur chuan a match hmasa berah Anastasia Potapova chu 6-4, 7-6 (7/4) a hneh loin a zinkawng a tawp nghal.

US Open khelh zawh takah khan Jabeur hian last 16 a thleng a, mahse Chinese nula Qinwen Zheng a hneh lo. Inelna lian a hmachhawn dawn khan damkawr mai a la ni a, tunah pawh a ṭhat dan takin a la khel thei lo tihna a ni.

Hnehna changtu Potapova chuan, "Jabeur hi khawvela a ṭha berte zinga mi a ni a, hmachhawn pawh a harsa khawp mai. Mahse, dawhthei takin ka nghak a, tihsual nei tlem zawk nih ka tum tlatna chu a hlawhtling," tiin a chak chhan chu a dawhtheih vang a nih thu a sawi.