Vawiin aṭangin Chennai Open

2016 Aircel Chennai Open chu vawiin hian SDAT Tennis Stadium, Chennai-ah khelh ṭan a ni dawn. Inelna hi 2016 ATP World Tour tennis tournament a ni a, hard court a khelh ṭhin a ni.

Chennai Open-ah hian champion lai chu Switzerland tennis player Stan Wawrinka a ni a, world number 4 ni mek Wawrinka hi kumin inelnaah hian seeded no. 1 a ni.

Kum 30-a upa Waw-rinka chuan, "Chennai-a inkhelh hi nuam ka ti
ṭhin a, Chennai Open hi season bul ṭanna ṭha tak a ni. Champion nomawi humhim ngei ka tum dawn a, amaherawhchu tunah chuan nomawi ngaihtuah thei ka ni lo, match hmasa ber chauh ka thlir hrih," tiin a sawi.

Wawrinka hian kum 2011 khan Chennai Open-ah a vawi khatna atan a lo champion tawh a, kum 2014 leh 2015-ah a champion leh bawk.