Sanju Pradhan-a'n East Bengal a zawm

4th January, 2016

Kolkata club lian East Bengal chuan an club captain hlui Sanju Pradhan chu NorthEast United aṭangin loan-in an la lut.

Sikkim midfielder hi ISL-ah NorthEast United tan a che ṭha hle a, hun engemaw chen chhung India tan a inlan loh hnu-in SAFF Cup khel tura koh a ni nghe nghe a ni.

Trevor Morgan en-kawlna hnuaia East Bengal player pawimawh ni ṭhin Sanju Pradhan hian season hmasa I League kha Goa club Salgaocar tan a khel a, kum 2012-13 season-ah khan East Bengal captain a lo ni tawh bawk.