Quarterfinal-ah Nadal a lut

Rafael Nadal chuan Jordan Thompson hnehin Paris Masters khelh laiah quarterfinal a lut, Spanish tlangval hian nizan khan Pablo Carreno Busta hmachhawn lehin result kan hre hman lo.

Ningani zan inkhelah Nadal-a'n fiahna a hma-chhawn, world number 61 Thompson-a'n set hnihna bikah chhaih buai viau mah se 6-1, 7-6 in world number 2 zawk a tlang.

Grand Slam vawi 20 champion tawh Nadal hian ATP Tour huangah match 1001 a chakna chiah a ni a, French Open hnua a tournament khelh leh hmasak berah hian nomawi chawi ngei a tum.