Mizoram team an lo haw

National Sub-Junior Boys Football Championship khelh zawh taka champion Mizoram team chuan nimin chawhnu khan Mizoram an lo thleng.

Mizoram Football Association (MFA) chuan Lengpui Airport-ah lo hmuakin Sairang Dinthara MFA Ground-ah National champion lawmna hun buatsaih a ni.

MFA Sr Vice President PC Vanlalhruaia chuan National Sub Junior Boys Championships atana Sports & Youth Services Deptt in Saidan a an naupangte tirh an phal chu MFA in lawmawm a ti takzet tih a sawi.

Lawmna inkhawm kaihruaitu MFA Finance Secretary Lalruatsanga Tochhawng chuan naupangte chu bulṭan chauh, hmabak eng tak nei an ni tih hre reng a, tuna an hlawhtlinna chu chapopui leh chhiatpui nana hmang lo turin a chah a ni.

September 12, Thawhlehni khan Behrampore Stadium, West Bengal-ah Mizoram sub junior team hian Final ah Manipur chu si thum faia hnehin National Title hi an chang ta a ni.