Mizoram hmeichhe team-in Bhubaneswar an pan

Hero Junior Girls’ National Football Championship 2023-24 khel turin Mizoram hmeichhe team chuan nimin khan inelna neihna tur Bhubaneswar, Odisha panin Aizawl an chhuahsan.

RG Stadium-ah Mizoram team hian coach Tochhawng Lalremruata leh assistant coach H. Lalnunzira hoin training ṭha takin an nei. Khawzawl tlangval Tochhawng Ruata hian MFA Cup-ah kum 2009 khan Khawzawl FC a champion pui tawh a, kum 2013-2019 chhung khan Khawzawla Aizawl FC Academy a enkawl a, kum 2016-ah khan Mumbai-a neih I League Under 15-ah Aizawl FC a hruai leh bawk.

Mizoram hi group C-ah Bihar, West Bengal leh Jharkhand te nen an awm ho a, vawi khat ṭheuh an inkhelh kual hnuah a sang ber chauhin semifinal an lut dawn.