Valentino Rossi a dam tawh

Yamaha rider Valentino Rossi chu Covid-19 lak aṭangin a fihlim tawh a, Pathianni zan dar 6:30-a tlan tur Grand Prix of Europe a inlan turin Valencia a pan ve thei ta. Inelna tak hmachhawn tur erawh chuan hri leng lakah a fihlim em, tih endikna vawi khat a paltlang leh a ngai ang.

Italian tlangval hian coronavirus a kai avangin intlansiak hnuhnung pahnih a hmachhawn thei lo. Intlansiak hmachhawn tura a dam leh ta hi a team leh ama tan chanchin lawmawm a ni.

MotoGP champion lai Marc Marquez erawh hliam vangin a la inlan thei dawn lo. Spanish rider hi season tira intlansiak hmasa ber Jerez tlan kawngah chesualin a ban zai a ni a, a hnu lamah a la inlan leh lo.