Marquinhos-a'n PSG a chhuahsan mai thei

Chelsea leh Manchester United nena sawizawm hlawh mek Paris Saint-Germain defender Marquinhos chuan Parc des Princes-ah a beisei anga hmun a chang thei lo a nih chuan chhuah mai a hnial loh thu a sawi.

Brazilian defender hian July 2013 khan French club hi a zawm a, ram tana a khelhpui David Luiz leh Thiago Silva-te an awm ve tho avangin PSG-ah a duh angin hmun lailum a chang thei lo.

Tun season-a league match 12 chiah la khel defender chuan, "Mi tupawhin an duh angin starting eleven-a awm ve ngei hi ka duh a, mahse coach leh management lamte thutlukna chu ka zah a ngai si a ni," a ti.

Kum 21-a upa defender chuan hmanhmawh taka PSG chhuahsan erawh a tum loh thu sawiin, "Hmun chang ngei turin ka theihtawp ka chhuah ang a, bench-a ṭhut reng hi chu ka ti thei lo thuai ang. Tun season tawp nan thla ruk kan la nei a, engkim a chiang thuai ang," tiin thlasik transfer bazar-ah erawh a chhuah hmel loh hle.