German-Mizo inkhel ticket A chanve hralh chhuah a ni tawh

Naktuk hian Germany Students National Team leh Mizoram XI an inkhel dawn a, ruahman dan chuan vawiin thleng ticket zawrh chhuah tur a ni.

Ticket man hi Rs 200, Rs 500 leh Rs 2,000 a ni a, ticket zawrhchhuahna hmun chu Chanmari Kawn, Millennium Centre Kawt, Sikulpuikawn leh Treasury Square te a ni.

Nimin khan ticket zawrhchhuah ṭan a ni a, he thuziah lai hian ticket hralh tawh zat hriat ni lo mah se ticket zatve chu hralh zawh tawha ngaih a ni.

Hriat tur pawimawh

* Rs 500 man ticket neite chu K. Kawla Stand, S. Malsawmtluanga Stand, Zohminga Zote Stand, Stand VI leh Tlangah te an thu thei ang.

* Rs 2,000 man ticket neite chu Zomuanthanga Stand-ah an thu ang a, ei leh in tur pek an ni ang a, inkhel turte chanchin ziahna an dawn bakah zan lamah German team nen chawhlui an kilho ang.

* Mizoram jersey hi RIN RIN kutchhuak a ni a, Rs 400 man niin RIN RIN dawrah a lei theih a. Inkhelh ni hian Lammual gate bulah a lei theih bawk ang.

* RIN RIN hian Mizoram jersey bakah referee jersey, ball boy jersey, cameraman bib leh inkhela hman tur Nivia Shining Star ball an tum.

* Lammualah parking awm dawn lo. MFA chuan inkhel en tur mipuite chu lirthei keng lo turin a ngen.

* Inkhel tan hmain concert a awm dawn. Tlai dar 1:30-ah Vanlalhlana, TBC Zaithanpuia, Sangtei Khuptong leh Grace Lalchhanhimi te'n zaiin mipui an awi ang.

* Lammual gate hi tlai dar 3:00-ah khar a ni a, MFA chuan inkhel entur mipuite chu kal hma turin an ngen.