Vawiinah Germany team an rawn thleng dawn

German Students National Football Team chuan nimin khan Delhi-a fahrah naupang enkawlna Stairs (NGO) an tlawh a, vawiin chawhnu hian Aizawl an rawn thleng ang.

German team-ah hian Germany youth team tana khel tawh player paruk an awm. Eng level-ah pawh Germany (DFB) tana khel phak chin hi chu an chhe thei lo. Player 17-te hi chawhrualin kum 26 leh thla riata upa an ni a, an san zawng hi feet ruka chawhrual theih a ni.

He Germany team-ah hian khawvel huapa lar hluai awm lo mah se inkhelh an thiam tih a chiang a, Lammualah Mizoram XI hneh ngei an tum.

Indian football leh German football hrechiang tak German team tana consultant hna thawk Arunava Chaudhuri chuan, "German team hi an ṭha a, India team pawh an hneh theih ngei ka ring a, state team tan chuan hneh an har ang. Result chu sawi lawk theih ni lo mah se ring tura min tih chuan 3-0 in an chak ka ring," tiin Vanglaini palai a hrilh.

German team hian tlai dar 4:30 hian Hotel Regency-ah thuthar thehdarhtute an kawm ang a, zan lamah chief minister buatsaih cultural programe hun an hmang ang a, chawhlui an kil nghal ang. January 6 zing dar 10:00-ah TNT, Muanna Veng an tlawh ang a, tlai dar 3:30-ah Mizoram XI nen an inkhel ang.

Nilaini zan hian Siby Farm-ah Ticket Rs 2,000 man leite leh Mizoram FA hruaitute nen musical event an hmang ho ang a, chawhlui an kil ho nghal bawk ang. January 7 zingah grassroots naupangte training an pe ang a, chawhnu lamah Kolkata panin Aizawl an chhuahsan ang.

Player punrua a lian a, tawnhriat an ngah a, Germany national team kawr ha tur an ni a, an hmuhnawm tham hle ang.

German Students National Football Team

# Hming Position Foot Height Age Club hlui /Club khelh mekna

1 Jonas Ermes Goalkeeper R 6 ft 6 in 23 VfL Bochum youth / SC LWL 05 Bezirksliga (DFB U 16 - U 19)

2 Arne Kampe Goalkeeper R 6 ft 1.2 in 25 RW Ahlen

3 Dennis Bührer Defensive MF R/L 5 ft 9.3 in 32 SC Freiburg youth / 6x2.BL / RL / SC Bahlingen (DFB U20 - 2004 World Cup in Abu Dhabi)

4 Adam Fall Right-Back R 5 ft 10.9in 31 SC Freiburg youth / RL / SC Calcio Kreuzlingen 2nd Division Switzerland (DFB U-15)

5 Christopher Heermann Defensive MF R 6 ft 1.2 in 26 Borussia Dortmund youth / RW Ahlen

6 Tommy Kind Center-Back R 6 ft 5.2 in 23 RW Erfurt youth / RWE II OL / Spvgg. Erlangen Bezirksliga

7 Christian Mengert Defensive MF R 6 ft 4.4 in 25 VfL Bochum youth / FC Kray

8 Kevin Schulz Central MF R 5 ft 11.7in 27 Holstein Kiel / ETSV Weiche

9 Jörn Zimmermann Right-Back R 6 ft 0.8 in 23 Wuppertaler SV youth / FC Kray

10 Ralf Kettemann MF central defensive R 5 ft 8.9 in 29 SSV Ulm youth / TSV Ilshofen Verbandsliga

11 Christian März MF central offensive R 5 ft 11.2 in 21 Hertha BSC youth / BSV Schwarz-Weiss Rehden (DFB U 15 - U 18)

12 Eugen Schiffmann Offensive Allrounder L 5 ft 8.1 in 27 Borussia Dortmund youth / Eintracht Frankfurt youth / Viktoria Griesheim (DFB U 15 – U 18)

13 Nico Schneck Central MF R/L 5 ft 10.9 in 28 Arminia Bielefeld II

14 Phil Weimer Defensive MF R 5 ft 10.9 in 29 SV Spielberg

15 Matthias Haeder Defensive MF R/L 5 ft 8.9 in 26 Arminia Bielefeld youth / SC Verl (DFB U 18 & U 20)

16 Steffen Wohlfarth Offensive Allrounder R 6 ft 1.2 in 32 SC Freiburg youth / FC Ingolstadt 2.BL / Bayern Munich II / FV Ravensburg

17 Raphael Hinrichs Defensive MF R 6 ft 27 SC Erlangen-Bruck Verbandsliga / Assistant Trainer U12 1.FC Nürnberg

(DFB hi German Football Federation tihna a ni a, Germany tana lo inlan tawh thin player-te hi an khelh tawhna a sena ziah an ni.)