Tihsual aṭangin kan inzir ang - Pioli

AC Milan manager Stefano Pioli chuan Europa League lama an tihsual aṭanga an inzir tur thu a sawi. Serie A hmahruaitu hi Ningani zan khan an mikhual Lille lakah 3-0 ngawtin an tlawm.

Pioli chuan, "Counter attack aṭangin na takin min bei a, khami kha kan tuar zo lo. Harsatna leh buaina ṭhenkhat kha chu keimahni insiamchawp a ni ve bawk, tihsual kan neih aṭangin kan inzir nghal ang," a ti.

Milan hian March thla khan league match-ah Genoa 2-1 in an hneh lo a, a hnu lamah chuan inelna hrang hrangah match 24 chhung ngawt chak loh nei loin an kal thei - tunah chuan an kaltluang lai chu a tawp.

Italian league hma-hruaitu hian Pathianni zan dar 1:15-ah Verona an mikhual leh dawn a, striker Zlatan Ibrahim-ovic awmna team hi an tihsual aṭangin an insiamrem  nghal thei em tih chu fiahin a awm dawn.