Saina a training leh tawh

India nula badminton khel thiam Saina Nehwal chuan Hyderabad-ah training a nei leh tawh, chawlh kar hnih hnuah chuan SAI Gopichand academy-ah inbuatsaihna nei chhunzawm tura ngaih a ni.

August 8 aṭang khan India player tam takin training an zawm leh tawh. India chuan badminton huanga Olympic medal la thei tura a beisei player pariat chu a bik deuhin inbuatsaihna a neih pui dawn, world champion PV Sindhu pawhin kar hmasa khan training a zawm tawh bawk.

London Olympic-ah khan Saina hian bronze medal a la, a hnuah world number 1 dinhmun te luah chhunzawmin India a ti hmingṭha hle. Tun hnaiah beisei ang result nei thei chiah lo mah se a lakah beisei a la sang, nakkuma neih tur Tokyo Olympic-ah pawh India tan inlan tura ngaih a ni.