Murray-a'n Australian Open khel lo maithei

Britain number 1 Andy Murray chuan kumina Grand Slam tournament hmasa ber tur Australian Open chu a khelh dawn leh dawn loh a la sawi chiang thei lo.

January 18-31 chhung hian Melbourne-ah khelh a ni dawn a, Murray leh a nupui Kim Sears-te hian February thla laihawl velah an fa hmasa ber tur neih an inbeisei. Hei vang hian Murray hian a nupui bula hun hman a duh a ni.

Kum 28-a upa Murray chuan, "Australian Open champion nih chu chak-awm hle mah se a nihna takah chuan fa neih ka ngaipawimawh zawk. Ka nupui leh fa lo piang tur bula hun hman ka duh a ni. Tunah hian kumina Grand Slam hmasa ber hi ka khelh theih dawn leh dawn loh ka la sawi chiang thei lo," tiin a sawi.

World number 2 Murray hi kum 2012 khan US Open-ah a cham-pion tawh a, kum 2013 khan Wimbledon-ah a champion tawh bawk.