Sa Jae-Hyouk kum 10 chhung atan hrem

South Korea chuan an infiammi 2008 Olympic champion Sa Jae-Hyouk chu kum 10 chhung ritchawi infiamna a tel thei lo turin an hrem. South Korean weightlifting chanchina inhremna lian ber nia ngaih a ni hial.

Kum 30-a upa Sa Jae-Hyouk hian Beijing Olympic khan 77kg class-ah Gold medal a dawng a, kumin Rio Olympic-ah pawh inlan leh ngei tura ngaih a nih avangin a hnampui Hwang Woo-Man a hnek avangin hrem a tawk ta a ni.

Sa Jae-Hyouk hi a dar na vangin London 2012 Olympic-ah khan a lo inlan thei lo tawh bawk.

Korea Weightlifting Federation chuan, "Sa Jae-Hyouk hi a thil tihah a inchhir a, hetiang thil mawi lo infiamna huang-chhunga a thleng hi a pawi kan ti takzet," an ti.