Saina hoin Awadhe Warriors-in Delhi Acers hneh

Saina Nehwal chuan Thawhṭan zan khan Premier Badminton League (PBL) season hnihnaa a match hmasa ber a khel a, a team Awadhe Warriors chu Delhi Aces lakah 4-3 in hnehna a chanpui.

Olympic bronze medalist Saina hian an match hmasa ber chu ke na vangin a khel thei lo a, hemi ṭum hian Mumbai Rockets lakah an chak lo nghe nghe.

Lucknow-a inkhelah erawh India shuttler Saina-i'n a thiam zia a pholang leh thei tawh a, P.C.Thulasi lakah 15-9, 15-10 in hnehna a chang a ni.

PBL-ah hian 'Trump Match' hmanga inelna neih a ni a, team tinte match nga Men's Single, Men's Double, Women's Single, Mixed Double leh Men's Single hmangin an inel a, match khata hnehna an chanin point hnih (2) an hmu a, a chak lo lam team hi point khat (-1) paih sak an ni ṭhin thung.