United khelh danah Adidas an lawm lo

Manchester United thawmhnaw siamsaktu Adidas chief executive Herbert Hainer chuan Louis van Gaal-a hnuaia Manchester United khelh dan chu Adidas duh dan a nih loh thu a sawi!

Adidas leh United hian kum 2014 khan infiamna chanchina indawrna lian ber contract an lo ziak tawh a, Manchester United hian Adidas kawr an hak manah kum sawm chhung atan pound maktaduai 750 an dawng a ni.

Hainer chuan, "Sumdawnna ang zawng chuan kan kal tluang hle a, mahse tuna United khelh dan en hi chuan lung a awi zan lo a ni," tiin Van Gaal-a'n a naute a kaihhruai dan chu a sawisel.