EPL club zingah Ronaldinho duhtu an awm

Club khelhna nei loa awm mek Ronaldinho chu Premier League club zingah lakluh dun an awm thu a unau leh agent ni bawk Roberto chuan a sawi a, club hming erawh a sawi lang tel lo thung.

World Cup champion leh Ballon d’Or chawimawhna pawh lo dawng tawh Ronal-dinho hian kum 2011-a Italian club lian AC Milan a chhuahsan hnuah Atletico Mineiro leh Queretaro bakah Brazil Serie A club Fluminense tan te a khel kual leh tawh a, mah se beisei a phak ngai lo.

Roberto chuan, "Asia emaw United States emawh pan tur anga sawi a awm reng a, thuchiang erawh a la awm thei lo. Ka unaupa hian inkhelh nuam a la ti a, chak duhna thinglung a pu reng. EPL zingah pawh club pakhat aia tam chuan min rawn be ngei a ni. A kum tam deuh tawh mah se pawisa tamna lam apiang pan a la tum chuang lo a, ṭha taka a inkhelh theihna tur hmun kan ngaihtuah ang," tiin a sawi.

Tunhmain Ronaldinho hi English club Manchester United leh Blackburn Rovers nen pawh sawi zawm a lo ni tawh bawk.

Kum 35-a upa Ronal-dinho hian an ram Barzil tan match 97 a khelh aṭangin goal 33 a khung a ni.