Chak tumin kan khel ang - Mizoram coach

May 13, 2014-ah Bundesliga club Hoffenheim-in Mizoram XI chu Lammualah 3-0 in an hneh a, India rama state football team tan chuan Europe club ṭha elphak rual a ni lo.

Tun ṭuma Mizoram mikhual tur German Students National Football Team player zingah erawh Bun-desliga-a a khelpha an awm lo a, amaherawhchu football hmuhnawm phochhuak turin thiamna an nei tih erawh a chiang.

Mizoram coach HC Zarzoliana chuan, "Hoffenheim leh German Students National Football Team chu khaikhin theih a ni lo a, tun
ṭuma kan hmachhawn tur hi team chhe zawk an ni. Player ṭha anni tih chu hre mah ila 'students team' insawp tir chu state team ve meuh tan chuan a zahthlak a ni. Chak tumin kan khel dawn a, player-te an dam ṭha a, inpuahchahna a ṭha bawk a, inkhel hmuhnawm tak kan lantir thei ang," tiin a sawi.

Mizoram manager Lalbiakzuala chuan, "German team an nih vangin kan hlau lo a, keini chuan theih-tawp kan chhuah ang. Kan chak thei tih kan hria, Lammuala German hneh hi kan duh chu a ni," tiin chak an duh thu a sawi.

Coaching Staff (L-R) : Samson (Asst coach), Zara (Head coach), Babiana (Physio), Biaka (Manager), Hluna (Asst Manager), Thlamuana (Goalkeeping coach)