Qatar-ah Nadal a chak hram

World number 1 hlui Rafael Nadal chuan 2016 ATP World Tour season-a a match hmasa ber chu Thawhlehni zan khan a khel a, Pablo Carreno Busta lakah 6-7, 6-3, 6-1 in hnehna a chang hram.

Spanish tlangval Nadal hian awlsam takin hnehna a chang bik lo a, set hmasa ber a hloh hnuah darkar hnih chhungin a hnampuii lakah hian hnena a chang hram a ni. Seeded pahnihna Nadal hian he tournament-ah hian vawi 20 hnehna a channa chiah a ni nghe nghe.

World number 5 Nadal chuan, "A tirah bul ka ṭan fuh lo a, break point ka hmuh ang pawh ka chhawr ṭangkai thei lo. Set hnihna aṭang erawhin thil a danglam deuh a, break point vawi kua ka hmuh aṭangin vawi nga ngawt ka break thei. Duhthusamin khel ṭha rih lo mah ila hnehna ka chan avangin ka lawm hle," a ti.

Inkhel dangah beisei loh result kan hmu a, champion lai David Ferrer chu Marchenko lakah 7-6, 6-3, 6-2 in a tlawm thung. Ricardas Berankis pawhin Andreas Seppi lakah 3-6, 6-1, 6-4 in darkar hnih leh minute riat chhungin hnehna a chang bawk.