Lakers chelhtu Warriors

A zawna match thum chhung hnena an chan hnuah Los Angeles Lakers chuan hneh loh an tawng a, Nilaini chhun khan Golden State Warriors lakah 109-88 in an tlawm.

Warriors tan NBA most valuable player ni lai Stephen Curry a che ṭha leh pek hle a, point 17 a hlawhchhuah bakah assist vawi ruk a ni bawk. Warriors Shooting guard Klay Thompson-a'n point 36 ngawt a score bawk. Thomson hian quarter hmasa berah point 22 ngawt a score hman a ni.

Tun season-ah Golden State Warriors an khel ṭha tluang hle a, match 35 an khelh tawh aṭangin vawi 33 hnehna an chang tawh.

Lakers hian an player pawi-mawh Small forward Kobe Bryant leh point guard D'Angelo Russell te hliuam vangin an chhawr thei lo a, anni pahnih khel thei lo hi an tuar tih a lang.