Lyon hmeichhe team an champion

French Cup hmeichhe inelnaah Lyon chuan record siamin a vawi kua nan nomawi an chawi a, Paris St-Germain nen hun pangngaia 0-0 a an inhnehtawk hnuin penalty hmangin 4-3 in an chak. 

European champions Lyon hmeichhe team hi May thlaa Ligue 1 tihtawp a nihin champion-ah puan an lo ni tawh bawk a, French Cup-ah record siamin an champion leh ta. Auxerre-a inkhel hi first half-a floodlights a en ṭhat theih loh avangin minute 10 lai chawlh lailawk a ni a, Covid-19 vanga mipui punkhawm tam theih a la nih loh avangin mi 5,000 chauhin inkhel hi a hmunah an en.