Carroll-a'n a sang pali zinga tel inbeisei

Tottenham midfielder Tom Carroll chuan season thara Champions League khel pha turin a sang pali zinga tel ngei a duh thu leh a beisei thu a sawi.

Tun dinhmunah Spurs hian league match 20 khelh tawh aṭangin point 36 hmuin table-ah palina dinhmun an luah mek a, an hnuai chiaha awm Manchester United nen point thumin an inthlau mek. North London club hian Pathianni zan hian pahnihna dinhmun luahtu Leicester City an mikhual dawn a ni.

Kum 23-a upa Car-roll chuan, "Everton khelmualah point kan hlawh chhuak thei a, tunah team ṭha tak Leicester kan hmachhawn leh dawn. Kan elpui dangten point an hmuh zel avangin point hmuh loh bik a thiang tawh lo. Season tawpa a sang pali zinga tel ngei turin kan ṭan mar reng a ngai a ni. Point khat hmuha lungawi ringawt a theih tawh loh a, point thum hmuh zel a hun tawh," a ti.

Tottenham hian an khingpui tur Leicester hi point liin an phak lo mek a ni.