USA Under-19 coach thar Friedel

7th January, 2016

Tottenham goalkeeper hlui Brad Friedel chu USA Under-19 team coach thar atan lakluh a ni.

Tottenham Hotspur, Aston Villa leh Blackburn tan pawha lo khel tawh Friedel hian nipui lai khan kum 44 mi niin inkhelh a lo chawlhsan tawh a, Premier League club ṭha Liverpool leh Turkish club Galatasaray tan pawh a lo khel tawh bawk.

Kum 44-a upa Friedel chuan, "Kan rama naupang inkhel thiam leh tui tak takte khawvela ṭha ber ber zinga lang phak tura chher chhuah ka duh a, chu chu ka tum pawh a ni," tiin a sawi.

Friedel hian an ran US tan kum 13 chhungin match 82 a khel hman a, FIFA World Cup-ah vawi hnih a inlan bawk.