Serena leh Sharapova dinhmun a chiang lo

Kumin chhunga Grand Slam tournament hmasa ber chu January 18 aṭang khian Melbourne-ah khelh ṭan a ni leh tawh dawn a, champion lai Serena Williams leh Maria Sharapova te an inlan theih dawn leh dawn loh a la chiang lo.

World number 1 Serena hian a khupah hliam a tuar mek a, Hopman Cup aṭang pawhin a in hnukdawk tawh a ni. Hetih mek lai hian Grand Slam vawi nga champion tawh Sharapova pawh a ban na vangin a la inkhel thei lo mek a, Brisbane International aṭang pawhin a inhukdawk ve bawk. World number 2 Simona Halep pawh hliam vangin a inkhel thei lo mek bawk a ni.

Kum 34-a upa Serena chuan, "Ka hliam hian min ti buai ve reng a, beisei anga a dam chak mai loh avangin ka dinhmun hi a chiang thei rih lo. Inkhelh theih ngei chu ka beisei a, tun dinhmunah chuan chawlh ka mamawh a ni," a ti.

Rusian chhuanvawr Sharapova chuan, "Ka ban na hian tun hnaiah min ti buai hle. Tunah hian Australian Open khel tura inbuatsaih a hun tawh a, ṭha taka inkhel thei tur chuan hmasawn a hun tawh hle," tiin a sawi ve bawk.