Goal tam zawk khung tum Chhetri

India captain Sunil Chhetri chuan I League-ah a club Bengaluru FC tan goal tam zawk khung a tum thu a sawi.

ISL-a Mumbai City tana goal sarih khungtu Sunil Chhetri chuan, "Kum dang zawng aia goal tam zawk khung ka tum dawn a ni. National team leh ISL aṭangin ka lo kir ve chiah a, ka phur tawh hle. India rama club kalphung mumal ber kan ni a, I League khelh hlan ka nghakhlel tawh hle," a ti. Chhetri hian India chu SAFF Cup-ah goal thum khungin a champion pui a, best player a thlan a ni bawk.

Bengaluru FC-ah hian Mizo goalkeeper Lal-thuammawia Ralte, midfielder Beikhokhei Beingaichho, defender Lalchhuanmawia te sea-son liamta khan an nei tawh a, tun season-ah rawlthar duhawm midfielder Malsawmzuala leh striker Daniel Lalhlimpuia-te an lak belh leh bawk.

2014 I League cham-pion Bengaluru hian January 16, Inrinniah Aizawl FC an hmachhawn dawn. Rajiv Gandhi Stadium, Mualpuia inkhel tur hi Mizorama I League match hmasa ber tur a ni.