Mikel Arteta a dam

Arsenal captain Mikel Arteta chu hun rei tak chawn hliam vanga a inkhelh theih loh hnuah Thawhlehni khan Arsenal Under 21 team tan a inlan.

Spanish midfielder Arteta hi November thlaa West Brom 1-2 a an hneh loh ṭumin a a inhliam a, rawlthar midfielder duhawm Francis Coquelin a la dam loh bawk avangin Arsene Wenger tan Arteta inkhel leh thei tur hi thu lawmawm a ni.

Thawhlehni hian Ar-senal U21 hian Boreham Wood-ah Blackburn Rovers rawltharte chu 3-2 in an hneh. Kum 33-a upa Arteta hi minute 45 chhung a inlan a, second half-ah Ismael Bennacer-a'n a rawn thlak.

Arsenal hi Premier League match 20 khelh tawh aṭangin point 42 hmuin hmahruaitu an ni mek a, an hnuai chiaha awm Leicester City aiin point hnihin an sang.