FIFA-in kum kaw chhung Valcke hrem an duh

Football khawvela thuneitu sang ber FIFA chuan an secretary general hlui Jerome Valcke chu kum kaw chhung hrem an duh thu an sawi.

French pachal hi World Cup ticket hralh ruk chungchangah thubuai siamsak a ni a, sum tam tham tak eiruah puh niin puh an nihna erawh a pha nasa hle thung.

FIFA hian an president kal-chhuak tur Sepp Blatter leh UEFA vice president Michel Platini-te chu thamna sum an inpek chungchangah December thla khan football kaihhnawih hrim hrima inhnamhnawih thei lo turin kum riat chhung atan an lo hrem tawh a ni.

FIFA ethics com-mittee chuan Valcke hi £67,400 chawitir an phut bawk. Valcke hi October 8 khan ni 90 chhung football kaihhnawih hrim hrima inhnamhnawih thei lo turin hrem a lo ni tawh a, FIFA chuan hei hi ni 45-a pawh sei belh turin an ngaihtuah bawk.

Valcke hi CONCA-CAF presi-dent hlui Jack Warner hnenah South Africa-in 2010 World Cup an thlen theih nana thamna sum pound maktaduai 6.8 peah puh a ni a, FIFA director of marketing and TV a nih laiin Mastercard nen an indawrna chungchangah thil dik lo a awm avangin ban a lo ni tawh bawk.

Mahse, kum 2007 khan Sepp Blatter chuan FIFA secretary general ni turin a ruat a ni.