Point 51 nei thei Lillard

Nimin zing NBA regular season inkhelah Damian Lillard-a'n Portland Trail Blazers tan point 51 zet a nei a, a team hi Philadelphia 76er lakah 124-121 in hnehna a chanpui.

Blazers tan hian Lillard bakah point 20 neitu Carmelo Anthony a che ṭha bawk a; Josh Richardson-a'n Blazers tana point 34 a neih chuan awmzia a nei phak ve tawh lo.NBA match a khelh tawh zawng zawngah Anthony hian point 26,411 a nei tling ta a, point neih hnem lamah Paul Pierce (26,397) leh John Havlicek (26,395) te khumin 15-na dinhmun a luah chiah, a la neih belh zel dawn bawk.

Inkhel dangah Houston Rockets, San Antonio Spurs, Toronto Raptors, Boston Celtics, Oklahoma City Thunder leh Brooklyn Nets te pawhin hnehna an chang ve bawk.