Ṭhazuala'n India ai a awh dawn

Chanmari West rawlthar ṭhang-duang H. Lalṭhazuala chuan Yonex-Sunrise 35th Sub-Junior (U-15 & U-17) National Badminton Championship-ah semifinal a lut a, Jwala Gutta Academy, Hyderabad-a neih inelnaa semifinal a luh avang hian Asia Championship-a India aiawh turin a invaw tling nghal.

September 19 thlenga neih tur national sub-junior inelnaah Ṭhazuala hian quaterfinal-ah Andhra Pradesh player Mahesh Kalahasthi a hmachhawn a, 21-14, 21-5 in hnehna a chang - he inelnaa semifinal lut chinte hian 17th – 22nd October, 2023 chhunga Chengdu, China a neih tur, Badminton Asia Championship-ah India ai an awh dawn a ni.

Mizoram Badminton Association chuan thuchhuah siamin, "Ṭhazuala kan lawmpui takzet a, hlawhtlinna nasa zawk chang zel turin duhsakna kan hlan a ni," an ti.