Newcastle an chak ve ta

Newcastle United-in match thum chhung a zawna a tlawm hnuah chak hmel an hmu ta a, September 16, Inrinni zan khan St James' Park-ah Brentford 1-0 in an hneh. Goal awmchhun hi minute 64-naah Callum Wilson-a'n penalty aṭanga a khung a ni.

Magpies leh Bees te an inhnehtawk a, defender Aaron Hickey leh keeper Mark Flekken te fimkhur tawk loh vangin goal chance pawh miah lohnaah mikhual team-in penalty an chawi. Magpies winger Anthony Gordon-a'n a tlan chakna mang ṭangkaiin Flekken lakah penalty a hlawh chhuak a, Wilson-a'n chakna goal khung nan a hmang.

September 19, Thawhlehni zan dar 10:15 hian Newcastle-in San Siro an tlawh dawn a, Champions League-ah AC Milan an hmachhawn ang. Magpies te awmna group-ah hian Borussia Dortmund leh PSG te an awm bawk.