India-in Bangladesh an hneh lo

Asia Cup Super 4 match hnuhnung berah India-in beisei tur nei tawh lo Bangladesh chu run rukin an hneh lo. Nizan khan India leh Sri Lanka ten final an khel a, result kan hre hman lo.

September 15, Zirtawpni zan inkhelah hian India-in vawm hmasak an thlang. Bangladesh-in 265/5 runs an siam a, Shakib Al Hasan-a'n 80 runs a siam. India tan target harsa niin lang lo mah se captain Rohit Sharma chu run siam loin pavillion-ah a kir a, Shubman Gill-a'n century (121) siam mah se thlawptu a nei ṭha tawk lo.

R. Premadasa Stadium, Colombo-ah over 49.5-ah India batter-te an thi vek a, 259 chauh siamin Bangladesh run rukin an pha lo. India tan result duhawm lo ni mah se result-in nghawng a neih tawh loh avangin Men in Blue hian player an siksawi hret a, Virat Kohli pawh hahchawlhtir zingah a tel.