Man Utd-in Januzaj an ko kir

8th January, 2016

Manchester Uni-ted chuan an midfielder Adnan Januzaj chu loan-a a khelh mekna Bun-desliga club Borussia Dortmund aṭangin an ko kir.

United hian kum 20-a upa Januzaj hi German-ah sea-son khat chhung intuaihriam turin an kal tir a, mahse Bundesliga club Dortmund tan hian match 12 chiah a la inlan a, heng zingah hian vawi thum chiah inkhel bul a ṭan. Beisei anga a inkhelh tam loh avangin Man United hian an ko kir a ni.

December 10-a Dortmund leh PAOK Salonika te Europa League-a an inkhelh hnuah Januzaj hi German club tan hian a la inlan leh lo.

Belgium international Januzaj hian Manchester United-ah kum 2018 thleng cham turin contract a nei mek. Kum 2013 khan United tan senior team-ah inlan ṭanin match 46 a khelh aṭangin goal nga a khung tawh.