Djokovic leh Nadal-a'n second round paltlang

Qatar Open khelh mekah champion tura rinkai Novak Djokovic-'n hnehna a chang zel a; Nilaini zan khan Fernando Verdasco lakah hnehna changin quarterfinal a inhlangkai. Inkhel dangah Rafael Nadal pawh in Robin Haase hnehin second round a paltlang ve bawk.

World number 1 Djo-kovic hian Verdasco lakah hian harsatna a tawk lem lo a, minute 69 chhung lekin 6-2, 6-2 in hnehna a chang. Serbian thiampuipa Djokovic hian 2012 Autra-lian Open-a a lo hneh tawh hnu Leonardo Mayer a hmachhawn zui leh ang.

Kum 28-a upa Djokovic chuan, "Kuminah match hnih ka khel a, hnehna ka chang ve ve. Ka lawmna ti zualtu chu set ka la hloh lo hi a ni. A pawimawh hunah ṭha taka ka service thei ṭhin kha ka chakna kawngah a pawimawh hle," a ti.

Inkhel dangah world number 5 Nadal chuan 6-3, 6-2 in Haase lakah hnehna a chang ve bawk. Grand Slam vawi 14 champion tawh Nadal hi kum 2014 khan Qatar Open-ah hian a lo champion tawh nghe nghe.

Kum 29-a upa Nadal chuan, "Inrintawkna nen ka inkhel thei a, ka match hmasa zawk ai chuan ka khelh ṭhat zawk bakah ke service pawh a ṭha tawh hle," tiin a hmasawn naah a lawm hle.

Seeded pasarihna Jeremy Chardy a khel ṭha tluang bawk a, ace vawi 12 a siam chungin Paul-Henri Mathieu lakah 6-2, 6-4 in hnehna a chang bawk.