FIFA kaihruai turin Prince Ali a inringtawk

Football khawvela thunei-tu sang ber FIFA presidential candidate Prince Ali bin Hussein chuan FIFA kaihruai tura a inrintawk thu a sawi.

Kum 40-a upa Prince Ali chuan eiruk thubuai vanga hmingchhe mek FIFA chu siamṭhat leh theih a inbeisei thu sawiin, "Huai taka ka sawi duh chu kei hi FIFA president atana ṭha ber chu ka ni," a ti.

Jordan Prince chuan Feb-ruary 26-a FIFA president thar thlanna neih tur chu FIFA tan a hmingchhe tawh hnu siamṭhat leh theihna hun remchang ṭha ber a nih thu a sawi bawk.

May thla inthlana Sepp Blatter lo hneh tawh lotu Prince Ali chuan, "Football kaihhruaina kawnga tawn-hriat ngah tawh tak ka ni a, football khawvel hmun hrang hranga hmasawnna an kalpui dan hrechiangtu ka nih avangin FIFA hmasawnna kalpui dan tur hi ka hria a ni. Mahse, kum li chhung national football hruaitu leh FIFA executive committee mem-ber ka nih hnua ka hriat-chhuah chu FIFA thlak danglam tur chuan president ka nih a ngai tih hi a ni," tiin FIFA president a chuh chhan a sawi.