South Africa captain Amla a inhnukdawk

Kum 32-a upa South Africa test captain Hashim Amla chu second test-a England nen an inhnehtawk zawh hnuin an ram captain a nihna
aṭangin a inhnukdawk.

Amla chuan, "Thil dang ngaihtuah miah lo leh batsman ka nihna ang tawpa ka khelhchhuah chuan he team tan hian ka ṭangkai thei zawk dawn niin ka hria a, chuvang chuan captain ka nihna
aṭangin ka inhnukdawk a ni," a ti.

South African batsman ropui AB de Villiers chuan Hashim Amla hi a thlak ang a, January 14 aṭanga Johannesburg-a third test an khelh aṭangin captain a ni ang.

Amla hian June 2014 khan Graeme Smith hnen aṭangin captain dinhmun hi a chelh ṭan a, Test 14 chhung a captain-na hnuaiah South Africa hi kaihhruai hmanin vawi li hnehna a chanpui a, vawi ruk an khingpuite an inhnehtawkpui a ni.