Saina-i'n Awadhe Warriors a chak pui

Premier Badminton League (PBL) season hnihna khelh mekah Awadhe Warriors chuan a vawi hnih nan hnehna an chang ve leh ta a, Nilaini khan Bengaluru Topguns lakah 4-1 in hnehna an chang.

BBD Academy Com-plex, Lucknow-a inkhelah Awadhe Warriors tan world number 2 Saina Nehwal chuan Thailand shuttler Suo Di lakah 15-10, 13-15, 15-8 a hnehna changin a team a chak pui a ni.

Indian shuttler Saina chuan, "Suo Di hi player ṭha tak a nih avangin ani ka hneh thei hi ka lawm hle. PBL-a kan match hmasa berah hnehna chang lo mah ila tunah chuan hma kan sawn leh tawh a, a zawna hnehna kan chang thei hi a lawmawm tak zet," a ti.

Awadhe Warriors hian an match hmasa berah Mumbai Rockets chu 3-2 in an hneh lo a, hemi hnu hian Delhi Acers leh Bengaluru Topguns an hneh zawn ta a ni.