Jenas-a'n inkhelh a chawlhsan

England midfielder hlui Jermaine Jenas chuan nimin khan inkhelh a chawlhsan thu a puang. Kum 32-a upa midfielder hian April 2014 khan khelmual chhunga a hun hnuhnung ber a hmang a, Championship inelna-ah QPR tan inlanin No-ttingham Forest an hneh.

Kum 2002-03 sea-son-a PFA young player of the year-a thlan Jenas hian April 2014 thla chawhnu lamah a khupah hliam a tuar a, a hliam hian ṭhat lam a pan theih loh avangin a duh aia hmain inkhelh a chawlhsan a ngaih phah ta a ni.

England tana vawi 21 inlan tawh Jenas hian player a nih chhungin Forest, Newcastle, Tottenham leh Aston Villa tan match 400 a khel hman.

Jenas chuan, "Tunah chuan football khelh ka chawlhsan a ṭul ta. Ka theihtawp chhuahin khelmual chhungah lo kir leh ka tum a, mah se ka thei ta ngang lo a ni," tiin inkhelh a chawlhsan chhan a sawi.