National Consumer Day hman a ni

Mizoram sorkara Commissioner Food Safety leh Mizoram Consumers Union (MCU) huaihawtin, nimin khan IPR Auditorium-ah National Consumer Day hman a ni a, Health minister Lal Thanzara'n a hmanpui.

Health Minister chuan, changkanna leh hmasawnna tehna pawi-mawh tak chu ei leh in thianghlim hmuh phâk leh phâk loh a nih thu a sawi a, "Ei leh in thianghlim ei tur mipuite'n an neih theihna atan sorkar, mipui leh ei leh in lama sumdawngte kan thawhho ṭhat a ṭul hle," a ti.

Mizoram chu ram dang nena inri a nih avangin ei leh in chi hrang hrang rawn lut ṭhinah fimkhur a ngaih thu sawiin, Lal Thanzara chuan, "Mipuite kan hrisel chuan ram a changkangin hma a sawn ṭhin," a ti a; ei leh in kawnga fimkhur turin mipuite a chah a ni.

National Consumer Day-ah hian, MCU president Thanglura leh Health principal director Dr K Ropari te pawhin thu an sawi.