Coutinho chawlh rei a ngai dawn

League Cup-a Stoke City an hneh ṭuma inhliam Liverpool midfielder Philippe Coutinho chu January thla chhung a inlan thei tawh lo mai thei.

Brazilian midfielder bakah hian defender Dejan Lovren leh Kolo Toure-te chu Stoke City nen an inhmachhawn ṭum hian an inhliam ve tho a, rei tak an chawlh erawh ngai lo tura ngaih a ni.

Reds manager ma-nager Jurgen Klopp chuan, "Phil-a hliam hi Dejan leh Kolo-te hliam aiin a serious zawk a ni. Kolo hi chu kar leh lamah chuan a dam mai a beiseiawm a, January 17-a Manchester United kan hmachhawn zawhah chuan Dejan pawh a dam tawh ang. Phil erawh Dejan aiin kar khat emaw kar hniha a chawlh rei zawk a ngai ang," tiin a player-te dinhmun a sawi.

Liverpool player zingah Coutinho, Lovren, Martin Skrtel, Jordan Rossiter, Divock Origi leh Daniel Sturridge-te chu malpui hliam vangin an chawl mek a, Mamadou Sakho chu a hliam a la dam chiang lo bawk.